Siste innspurt før 17.mai
/Harald henger opp scenetepper i taket på scena dagen før dagen...
Som vi ser er det god driv i "opphektinga" - det byrjar å haste med å få fullføre alt til 17.mai-feiringa. Det vart sein kveld/natt på 16.mai...
Harald henger opp scenetepper i taket på scena dagen før dagen...
Som vi ser er det god driv i "opphektinga" - det byrjar å haste med å få fullføre alt til 17.mai-feiringa. Det vart sein kveld/natt på 16.mai...
HML Varden skal spele på 17.mai, og får teste lydtilhøva i den nyoppussa salen.
Det står att ein del arbeid før salen er klar til 17.mai, men lydtilhøva er bra. 17. mai vert fyrste høvet der bygdafolket får sjå resultatet av oppussinga. Vi er spente på reaksjonane...
Stine har "troma saman" ein stor styrke for nedvask
Det nærmar seg ferdigstilling og no er det nedvask av tak, veggar og golv. Parallelt vert det utført fôring og listing av dører, elektroarbeid og mykje meir.
Oddbjørn tek grov-vasken.
Det nærmar seg nedvask og det må ryddast før "vaskestyrken" kjem. Etter to månadar med dugnad er det framleis kjekt...
Karstein Slettestøl finsnekrar i garderobenisja.
Kleshengarane er klar for montering og Karstein har fått oppdraget. Skal det verte nøyaktig kan ein ikkje la seg distrahere av fotografen...
Solveig Rovde og Bjørg Nordahl overraska dugnadsgjengen med graut!
Dugnadsgjengen sette stor pris på å få servert graut midt i dugnaden. Dei to damene tok initiativet og kokte graut til ca 15 personar. "På store dugnadar i bygda har dette vorte ein tradisjon", seier dei to. " Vi serverte både når kyrkja vart bygd og når Breidablik vart oppattbygd etter brannen". "Berre kjekt å bidra", smiler dei to.
Veggane er ferdig mala og det er snart klart for listing og montering av kleshengarar i garderoba.
Flotte fargar og Lisa gler seg tydeleg til å få på plass "ting og tang". For å at det skal gå fort nok har ho kalla inn Kjell på dugnad også...
Bjarte er snart ferdig med å kle veggane i garderoba. Eikepanelen her vert ein "link" til sideveggane i salen.
Kreativt å nytte parkett på veggane. Flott utført handverk, Bjarte!
Det går framover... Taket er no ferdig mala. Det same er scenefrontane. Bak på scena skal det påførast eit malingsstrok til, før diverse utstyr kan monterast.
Vi håpar at det komande veke kjem monge arbeidsviljuge på dugnad. Det er aktivitet frå kl. 18:00 kvar vekedag, utanom fredag. Laurdag startar vi kl. 10:00.
Bjarte er godt nøgd etter å ha bòra 42 hòl i taket der lampane skal plasserast. Takplatene er av gips og mannen fekk etterkvart same farge som taket...
Bjarte er byggeleiar for oppussingsprosjektet. Dersom du har lyst å gjere ein innsats for Landsbyhuset Breidablik, er det berre å ta kontakt eller møte på dugnad: Mandagar-torsdagar frå kl. 18:00. Laurdagar frå kl. 10:00.
Lisa, Toril, Stine og Steinar har god framdrift i tapetseringa av veggflater i salen. Det skal malast i morgon, for stillaset må snart fjernast.
Det skal vere ei malt "veggboks" på kvar side av salen. Flatene skal vere grå, med stilig lysseting og dekor. Vi trur det verte tøft...
Taket er på det nærmaste ferdig lekta og isolasjonen er komen "opp på betane". Det neste no er montering av takplater.
Gipsplater med bestemt grad av perforering skal monterast i det meste av taket. Over desse skal det isolerast med 20 cm. Rockwool. Fremst mot scena skal takplatene vere utan perforering. Det er utarbeidd detaljert akustikkplan med materialval for alle flater i salen.
Karen Nedrelid og Karl Bjarne Sandvik i full gong med tapetsering av veggar i gangen. Det er ikkje noko å sei på humør og innsats. Kan hende det er påvirka av at Lisa Iversen akkurat har kome med sjokoladekake...
Før tapetseringa har det vore sparkla og pussa i fleire dagar. Det neste vert maling. Veggane skal vere grå, nokre av dørene svarte og andre grå. Vi er spente...men trur det verte fint.
Mykje skal plukkast ned også i gangen. Tre driftige damer er godt i gong med riving og klargjering for sparkling, pussing og maling.
Det skal kome ny takhimling, nytt golvbelegg og nye fargar på veggar, dører og lister. Sporstøl Arkitekter arbeider for tida med farge- og materialval.
Det er teke avgjerd om å fjerne vindauga i salen på Landsbyhuset Breidablik. På dei fleste arrangementa er gardinene trekte for og vindauga vert neppe noko sakn. Godt med lys etter at oppussinga er ferdig vil tilfredsstille alle krava om nok lys i salen.
Oddbjørn og Atle er her i full gong med å bygge igjen der vindauga har vore. Avgjerda er også grunna i planane om å bygge på Landsbyhuset Breidablik mot Larsnes skule. Dersom dette vert realisert, vil uansett vindauga måtte fjernast. Ved å gjere det no, unngår vi inngrep i ein oppussa sal seinare.
Overraskande levering av vafler vart godt motteke av dugnadsgjengen.
Grunna akustiske utbetringar, skal dei fleste veggane og delar av taket i salen isolerast på nytt. Dette krev utforing og ny platekledning. Det skal nyttast perforert gips i tak og på endeveggar, medan det på sideveggane skal nyttast Gustafs-panel (lydpanel) med eik overflate.
Dugnadsinnsatsen har vore stor og oppattbygging er godt i gong i salen. I gangen skal det skiftast takhimling, veggar og dører skal malast og det kjem nytt golvbelegg og nytt listverk.
Dagen etter årsmøtet (16.02.17) starta nedrigging av utstyr og demontering av tekniske installasjonar. God oppslutnad på dugnad gav god framdrift i arbeidet.
Sceneriggen er på det nærmaste demontert. Sceneteppa er sende til vask og utstyr ellers vert stua vekk under scena, på sidescena og i leigd lagercontainer.
Det vart ein liten tjuvstart på oppussinga i oktober 2016. Arbeidstilhøva for teknisk personale (lyd og lys) måtte betrast. Kummerlege tilhøve dei fyrste 4 Feel It-sesongane vart avløyst av kjempegod plass til utstyr og personale.
Monteringa gjekk strålande og Gamlebanken Scene gjorde ein flott dugnadsinnsats for å få på plass galleriet. Det var operativt frå fyrste Feel It-framsyninga i nov.2016. No kan alt utstyret stå opprigga og klart til ei kvar tid. Galleriet var på planen som ein del av av oppussinga av heile huset.
Endeleg er vi klar til å starte oppussing av sal og gang! F.o.m fredag 17.02.2017 vert huset stengt fram til byrjinga av mai. Val av overflatemateriale til veggar, golv og tak er no mykje godt gjort. Finansiering er på plass og dugnadsgjengane er i ferd med å verte sette saman. Meld deg gjerne!
Styret har i lang tid arbeidd, saman med Sporstøl Arkitekter, for å finne løysingar og materialer som tek i vare bruken Landsbyhuset Breidablik har og skal ha i framtida. Illustrasjonen viser IKKJE eksakte fargar på overflatene, men viser eksempel på val av materialer som skal stette krava til akustikk på ein betre måte enn det som har vore tilfelle tidlegare.
Landsbyhuset Breidablik er grendahus, konsertsal, møtelokale og festlokale for Larsnes krets. Lokalet er tilgjengeleg for alle som ynskjer på nytte det eller delta på arrangement som vert stelt i stand for bygdafolket.
Landsbyhuset Breidablik er tilgjengeleg for utleige til private, organisasjonar og bedrifter. Mykje informasjon finn du på denne heimesida. Om ikkje du finn det du leitar etter : ta kontakt med
Toril Urkedal
Tlf.: 976 10 919
toril@lbhbreidablik.no
Harald Sætre
Tlf.: 913 18 358
harald@lbhbreidablik.no